Rossiya 18-noyabr kuni Ukrainaga Kerch bo‘g‘ozida bir yil avval qo‘lga olingan “Berdyansk” va “Nikopol” katerlari hamda “Yani Kapu” buksirini qaytardi. Bu haqda Rossiya TIV ma’lum qildi, deya xabar beradi Meduza.
“Mazkur kemalar Rossiyada davom etayotgan mamlakat chegaralarini noqonuniy kesib o‘tishga doir jinoiy protsessda ashyoviy dalil hisoblanadi. Ularning Ukraina tomoniga topshirilishi Rossiyadagi tegishli idoralar tomonidan zarur tergov harakatlari yakunlagani va jinoiy protsessni davom ettirish uchun kemalar Rossiyada bo‘lishi talab etilmasligi bilan bog‘liq”, — deyiladi TIV xabarida.
Ukraina harbiy-dengiz kuchlari kemalar qaytarilganini tasdiqladi. Kemalar qayerda topshirilgani ma’lum emas, bu jarayon Qora dengizdagi neytral suvlarda bo‘lib o‘tgani aytilmoqda.
Izoh (0)