Kaliforniyaning Fresno shahridagi otishma oqibatida 4 kishi halok bo‘ldi, yana kamida 6 kishi o‘qotar quroldan yaralandi. Bu haqda DW xabar bermoqda.
17-noyabr, yakshanba kuni kechki payt noma’lum shaxslar xususiy uy bog‘iga kirib borib, bu yerda futbol o‘yini teletranslyatsiyasini ko‘rib o‘tirgan odamlarga qarata o‘q uzgan.
3 kishi voqea joyida o‘lgan, to‘rtinchi odam kasalxonada olamdan o‘tdi. Qurbonlar 25—30 yoshdagi erkaklar bo‘lgani bildirilmoqda. Bog‘da otishma payti jami 35 kishi bo‘lgan.
Jinoyatchilarning shaxsi va ularni bunga undagan sabablar ma’lum emas. Qo‘lga olingani yoki yo‘qligi ham.
Izoh (0)