Россия 18 ноябрь куни Украинага Керч бўғозида бир йил аввал қўлга олинган «Бердянск» ва «Никопол» катерлари ҳамда «Яни Капу» буксирини қайтарди. Бу ҳақда Россия ТИВ маълум қилди, дея хабар беради Meduza.
«Мазкур кемалар Россияда давом этаётган мамлакат чегараларини ноқонуний кесиб ўтишга доир жиноий процессда ашёвий далил ҳисобланади. Уларнинг Украина томонига топширилиши Россиядаги тегишли идоралар томонидан зарур тергов ҳаракатлари якунлагани ва жиноий процессни давом эттириш учун кемалар Россияда бўлиши талаб этилмаслиги билан боғлиқ», — дейилади ТИВ хабарида.
Украина ҳарбий-денгиз кучлари кемалар қайтарилганини тасдиқлади. Кемалар қаерда топширилгани маълум эмас, бу жараён Қора денгиздаги нейтрал сувларда бўлиб ўтгани айтилмоқда.
Изоҳ (0)