Prokuror Nadejda Tixonova Moskva okrug harbiy sudidan Sankt-Peterburg metrosida 2017-yili amalga oshirilgan terakt ishi bo‘yicha 4 kishiga umrbod qamoq jazosi berishni so‘radi. Bu haqda Meduza xabar bermoqda.
Tixonova Abror va Akram Azimovlar, shuningdek, Muhamadyusuf va Ibrohimjon Ermatovlar uchun shunday jazo so‘ragan. U barcha 11 nafar ayblanuvchining aybini isbotlangan deb topdi.
Biroq ulardan hech biri aybini tan olmadi. Yana 6 nafar sudlanuvchi uchun 28 yil muddatga koloniya jazosi so‘ralgan.
Tergov taxminiga ko‘ra, xudkush Akbarjon Jalilov ayblanuvchilar bilan bir guruhda bo‘lgan va ular kamida uchta portlashni amalga oshirishni rejalashtirgan.
Izoh (0)