Прокурор Надежда Тихонова Москва округ ҳарбий судидан Санкт-Петербург метросида 2017 йили амалга оширилган теракт иши бўйича 4 кишига умрбод қамоқ жазоси беришни сўради. Бу ҳақда Meduza хабар бермоқда.
Тихонова Аброр ва Акрам Азимовлар, шунингдек, Муҳамадюсуф ва Иброҳимжон Эрматовлар учун шундай жазо сўраган. У барча 11 нафар айбланувчининг айбини исботланган деб топди.
Бироқ улардан ҳеч бири айбини тан олмади. Яна 6 нафар судланувчи учун 28 йил муддатга колония жазоси сўралган.
Тергов тахминига кўра, худкуш Акбаржон Жалилов айбланувчилар билан бир гуруҳда бўлган ва улар камида учта портлашни амалга оширишни режалаштирган.
Изоҳ (0)