O‘zbekiston olimpiya terma jamoasi Birlashgan Arab Amirliklarining Dubay shahrida bo‘lib o‘tayotgan Dubai Cup—U23 xalqaro musobaqadagi to‘rtinchi o‘yinini o‘tkazdi.
19-noyabr, seshanba kuni Lyubinko Drulovich shogirdlari Saudiya Arabistoni olimpiya terma jamoasiga qarshi maydonga tushdi.
Uchrashuvning 5-daqiqasida Saad As Saluli saudiyaliklarni oldinga olib chiqdi. 17-daqiqada Halil An Noji jamoasining ikkinchi golini urdi. Bunga o‘zbekistonliklar ikkinchi bo‘lim debyuti va o‘yin so‘nggida javob berdi.
48-daqiqada Islom Qobilov hisobni qisqartirgan bo‘lsa, hakam tomonidan qo‘shib berilgan vaqtda Abdulla Abdullayev muvozanatni tikladi.
Avvalroq O‘zbekiston olimpiya terma jamoasi Iordaniya va Iroq bilan durang o‘ynagan, shuningdek, BAAga yutqazib qo‘ygandi.
Dubai Cup—U23
19-noyabr, seshanba
O‘zbekiston U23 — Saudiya Arabistoni U23
Gollar: 0:1 — 5 Saad As Saluli, 0:2 — 17 Halil An Noji, 1:2 — 48 Islom Qobilov, 2:2 — 90+2 Abdulla Abdullayev.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)