Kuvayt bosh vaziri vazifasini bajaruvchi shayx Jobir al-Muborak al-Hamad as-Saboh mamlakat amirining yangi hukumat tuzish bo‘yicha taklifini rad etdi. Bu haqda “TASS” xabar berdi.
Bosh vazir vazifasini bajaruvchi davlat rahbariga bildirilgan ishonch uchun minnatdorchilik izhor etgan va yangi hukumatni shakllantirish taklifini qabul qila olmasligini bildirgan. 14-noyabrda iste’fo bergan bosh vazir nima uchun rad javobi berganini izohlamagan.
Kuvayt amiri Saboh al-Ahmad al-Jobir as-Saboh yaqin fursatlarda mamlakat xalqiga murojaat qilib, hukumat atrofidagi gap-so‘zlarga oydinlik kiritishi kutilmoqda.
Avval Kuvayt amiri mudofaa vaziri, amirlik ichki ishlar vazirini lavozimdan chetlatgan va bosh vazir vazifasini bajaruvchiga oxirgi o‘zgarishlarni inobatga olgan holda yangi hukumat shakllantirishni buyurgandi.14-noyabrda Kuvayt amiri hukumat iste’fosini qabul qilgan va vazirlardan yangi mahkama shakllantirilguniga qadar o‘z vazifalarini bajarib turishni so‘ragandi. Kuvayt hukumatining rasmiy vakili vazirlar mahkamasining iste’fosi ijro organi faoliyatini qayta isloh qilish bilan bog‘liq ekanligini bildirgan.
Izoh (0)