PSJ hujumchisi Neymar jarohatidan qachon to‘liqligicha forig‘ bo‘lishi ma’lum bo‘ldi, deb yozadi Marca.
Ta’kidlanishicha, braziliyalik futbolchi 26-noyabr kuni “Real”ga qarshi bahsga qadar safga qaytadi.
Ayni damda Neymar jarohatini davolatishning so‘nggi bosqichida. PSJ esa uning 22-noyabr kuni “Lill”ga qarshi bahsda maydonga qaytishiga umid bildirmoqda. Shundan so‘ng u “Real”ga qarshi maydonga tushishi mumkin bo‘ladi.
Eslatib o‘tamiz, Neymar 13-oktabrda Braziliya terma jamoasi safida Nigeriyaga qarshi o‘rtoqlik o‘yinida son mushaklarini jarohatlab olgandi.
U joriy mavsum Liga 1 doirasida beshta o‘yinda maydonga tushib, to‘rtta golga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)