Oilaviy ajrimlarga erkaklarning migratsiya ta’siriga tushib, O‘zbekistonda qolgan oilasiga yetarlicha e’tibor bermayotgani ham sabab bo‘lmoqda. Bu haqda O‘zbekiston Xotin-qizlar qo‘mitasi raisi birinchi o‘rinbosari Zulayho Mahkamova ma’lum qildi, deya xabar bermoqda “Daryo” muxbiri Musulmonbek Ibrohimov.
Mahkamova xonim O‘zbekistonda oilaviy ajrimlarga aynan qanday omillar asosiy sabab bo‘layotganiga to‘xtalib o‘tdi.
Ajrimlarga, birinchidan, qizlarimizning ayrim oiladagi munosabatlarga tayyor emasliklari sabab bo‘layotgan bo‘lsa, ikkinchi tomondan erkaklarimizning erlik majburiyatlarini to‘laligicha yelkalariga olmasliklari ham omil bo‘lmoqda.Qo‘mita tomonidan taqdim etilgan ma’lumotlarga ko‘ra, 2019-yilning dastlabki to‘qqiz oyi davomida hamkor tashkilotlar bilan birga 20 820 er-xotin yarashtirilgan, natijada 32 ming nafardan ziyod voyaga yetmagan bola yarim yetimlikdan saqlab qolingan. Ajralish yoqasiga kelib qolgan 18 mingdan ziyod oila bilan yakka tartibda ish olib borilib, yarashtirilgan.Shuningdek, erkaklarning migratsiya ta’siriga tushib qolib, O‘zbekistonda qolgan oilalariga yetarlicha e’tibor bermaganliklari yoki boshqa noqonuniy nikoh bilan yashayotganliklari ham oilaviy norizoliklarga olib kelmoqda.
Oiladagi zo‘ravonliklar ham shular jumlasidan.
Zulayho Mahkamova, Xotin-qizlar qo‘mitasi raisi birinchi o‘rinbosari
Izoh (0)