O‘zbekiston Davlat xavfsizlik xizmati Chegara qo‘shinlari Qirg‘izistondan O‘zbekistonga qariyb 130 million so‘mlik mahsulotning noqonuniy olib kirilishiga chek qo‘ydi. Bu haqda DXX Chegara qo‘shinlari tomonidan ma’lum qilindi.
Xabar berilishicha, chegara buzuvchilarining noqonuniy harakati Farg‘ona viloyati Quvasoy shahridagi Gorgaz mahallasida qayd etilgan.
Qo‘lga olish vaqtida qonunbuzarlar O‘zbekiston va Qirg‘iziston hududlarida o‘zlariga tegishli yuklarni tashlab, voqea joyidan qochib ketgan.
Tashlab ketilgan yuklar tekshirilganda, ularning umumiy qiymati 129,5 million so‘m bo‘lgan sifati noma’lum parfyumeriya mahsulotlari ekanligi ma’lum bo‘lgan.
Mazkur holat yuzasidan chegara buzuvchilarning shaxsini aniqlash bo‘yicha tezkor-qidiruv tadbirlari olib borilmoqda.
Izoh (0)