Toshkentda qator avtobus yo‘nalishlari harakatiga vaqtinchalik o‘zgartirishlar kiritildi, deb xabar bermoqda “Toshshahartransxizmat” matbuot xizmati.
Qayd etilishicha bunga Yunusobod tumanidagi Ahmad Donish ko‘chasining Yunusota va Husayniy ko‘chalari oralig‘idagi qismi 15-noyabridan 22-noyabr kunigacha yopilishi sabab bo‘lgan. Yo‘lning ushbu qismi Yunusobod yo‘nalishining ikkinchi bosqichi qurilishi doirasida yer osti o‘tish yo‘lini barpo etish ishlari olib borilishi munosabati bilan bilan yopilishi xabar berilgan edi.
Shu sababli “Toshshahartransxizmat” AJ tarkibidagi avtokorxonalarga biriktirilgan 5, 52, 60, 72, 82, 91, 96, 97, 140, 149, 152, 190-sonli avtobus yo‘nalishlari harakatiga vaqtinchalik o‘zgartirishlar kiritiladi.
Izoh (0)