Peru shimolidagi La-Libertad departamentida avtobus 300 metr balandlikdan jarlikka quladi. Avtohalokat oqibatida 19 nafar yo‘lovchi halok bo‘lgan, 25 nafar fuqaro turli darajadagi tan jarohatlari olgan. Bu haqda Sinxua agentligi xabar tarqatdi.
Mavzuga doir: Pokistonda poyezdning yonib ketishi oqibatida halok bo‘lganlar soni 62 nafarga yetdi (video)
Peruning dengiz sathidan 2-3 ming metr balandlikdagi And tog‘lari tizmasidagi avtomobil yo‘llarida bu kabi avtohalokatlar tez-tez sodir bo‘lib turadi.
Avval Saudiya Arabistonida avtohalokat sabab ziyoratchilar bo‘lgan avtobusning yonishi oqibatida 36 nafar odamning halok bo‘lgani, Nepalda avtobusning daryoga qulagani tufayli 15 nafardan ortiq yo‘lovchi qurbon bo‘lgani xabar qilingan. Shuningdek, Toshkent viloyatida ikkita Isuzu avtobusi ishtirokidagi avtohalokatda bir nafar fuqaroning halok bo‘lgani haqida ma’lumot berilgan.
Izoh (0)