Перу шимолидаги Ла-Либертад департаментида автобус 300 метр баландликдан жарликка қулади. Автоҳалокат оқибатида 19 нафар йўловчи ҳалок бўлган, 25 нафар фуқаро турли даражадаги тан жароҳатлари олган. Бу ҳақда Sinxua агентлиги хабар тарқатди.
Хабарга кўра, автобус мамлакат пойтахти Лимадан 557 километр узоқликда шимолда жойлашган Трухильо шаҳарчаси томон ҳаракатланаётган бўлган.
Мавзуга доир: Покистонда поезднинг ёниб кетиши оқибатида ҳалок бўлганлар сони 62 нафарга етди (видео)
Перунинг денгиз сатҳидан 2-3 минг метр баландликдаги Анд тоғлари тизмасидаги автомобиль йўлларида бу каби автоҳалокатлар тез-тез содир бўлиб туради.
Аввал Саудия Арабистонида автоҳалокат сабаб зиёратчилар бўлган автобуснинг ёниши оқибатида 36 нафар одамнинг ҳалок бўлгани, Непалда автобуснинг дарёга қулагани туфайли 15 нафардан ортиқ йўловчи қурбон бўлгани хабар қилинган. Шунингдек, Тошкент вилоятида иккита Isuzu автобуси иштирокидаги автоҳалокатда бир нафар фуқаронинг ҳалок бўлгани ҳақида маълумот берилган.
Изоҳ (0)