12-noyabr kuni Ashxabod shahrining 30-mikrorayonida joylashgan “Qoraqum” davlar do‘koni sotuvchilari mahsulotlar sotib olish uchun navbatda turgan kommunal xo‘jaliklarning viloyatlardan kelgan ishchi ayollarini quvib solgan, deb xabar berdi “Xronika Turkmenistana”. Nashrning yozishicha, ayollar sotuvchiga poytaxtda yashashi yoki vaqtinchalik ro‘yxatdan o‘tkazilganini isbotlab, uy-joy kommunal shirkati ma’lumotnomasini taqdim etmagan.
Ayollarning biri Toshhovuz viloyati, boshqa biri esa Lebob viloyatining Turkmanobod shahridan bo‘lgan.
“Viloyatlarda ish yo‘q. Bu yerda garchi davlat tashkiloti bo‘lsa ham yarim legal ishlaymiz. Ijarada yashaymiz. Inspektorlar va tekshiruvchilarga tez-tez pora beramiz. Shu sababli ham davlat do‘konlaridan mahsulot olib, oziq-ovqat borasida pul tejashga harakat qilamiz. Endi ushbu imkoniyatimizdan ham mahrum bo‘ldik”, – deydi ayollardan biri.
Turkmanistondagi davlat do‘konlarida tanqis bo‘lib qolgan un, non, tuxum va o‘simlik yog‘i kabi mahsulotlar uchun hali ham turnaqator navbatlar kuzatilmoqda. Olomonni nazorat qilish uchun do‘konlar yoniga militsionerlar ham navbatchilikka qo‘yilmoqda.Mavzuga doir: Turkmanistondagi oziq-ovqat inqirozi davom etmoqda
Izoh (0)