Toshkent viloyatida Spark haydovchisini oyoq va qo‘lini bog‘lab, yo‘l yoqasida tashlab ketib, mashinasini olib qochgan shaxslar qo‘lga olindi, deb xabar bermoqda Toshkent viloyati IIBB matbuot xizmati.
Ma’lum bo‘lishicha, 11-noyabr kuni tungi 03:30 larda Toshkent viloyatining Yangiyo‘l tumanida 3 nafar noma’lum shaxslar kuch ishlatish yo‘li bilan Spark haydovchisi 25 yoshli A.D.ni oyoq va qo‘lini bog‘lab, yo‘l yoqasida tashlab ketgan. Uning boshqaruvidagi Spark esa olib qochilgan.
Mazkur holat yuzasidan olib borilgan tezkor surishtiruv ishlari jarayonida mashina Toshkent tumani “Chuvalachi” mahallasida harakatlanayotganligi aniqlanib Toshkent tumani IIB va YHXB xodimlari tomonidan to‘sib ushlash yo‘li bilan qo‘lga olingan.Hozirda holat yuzasidan tergov harakatlari olib borilmoqda.
Izoh (0)