Тошкент вилоятида Spark ҳайдовчисини оёқ ва қўлини боғлаб, йўл ёқасида ташлаб кетиб, машинасини олиб қочган шахслар қўлга олинди, деб хабар бермоқда Тошкент вилояти ИИББ матбуот хизмати.
Маълум бўлишича, 11 ноябрь куни тунги 03:30 ларда Тошкент вилоятининг Янгийўл туманида 3 нафар номаълум шахслар куч ишлатиш йўли билан Spark ҳайдовчиси 25 ёшли А.Д.ни оёқ ва қўлини боғлаб, йўл ёқасида ташлаб кетган. Унинг бошқарувидаги Spark эса олиб қочилган.
Мазкур ҳолат юзасидан олиб борилган тезкор суриштирув ишлари жараёнида машина Тошкент тумани «Чувалачи» маҳалласида ҳаракатланаётганлиги аниқланиб Тошкент тумани ИИБ ва ЙҲХБ ходимлари томонидан тўсиб ушлаш йўли билан қўлга олинган.Ҳозирда ҳолат юзасидан тергов ҳаракатлари олиб борилмоқда.
Изоҳ (0)