Vyetnam politsiyasi Britaniyada yuk mashinasidan mamlakatning 39 nafar fuqarosi jasadi topilgani bo‘yicha tergov doirasida yana 8 kishini qo‘lga oldi. Bu haqda “RIA Novosti” xabar bermoqda.
Muhojirlarni G‘arbga noqonuniy jo‘natish tarmog‘ini tashkillashda gumon qilinganlar 3-noyabr, yakshanba kuni Ngean provinsiyasida ushlandi.
Aprel—avgust oylari davomida ushbu provinsiyani tark etgan 21 kishi Britaniyada g‘oyib bo‘lgani bildirilmoqda. Provinsiya rasmiylari Esseksdagi fojia qurbonlari shaxsini aniqlash uchun ularning yaqinlari DNK namunalarini to‘plamoqda.
Vyetnam politsiyasi o‘tgan haftada mazkur ish doirasida Xatin provinsiyasida ham ikki kishini qo‘lga olgandi.
Izoh (0)