Suriyada AQSh harbiy kolonnasi havo hujumiga uchragani xabar qilindi. Pentagon ushbu ma’lumotni inkor etdi

Suriyada AQSh harbiylari kolonnasi olov ostida qoldi, deb xabar berdi “Interfaks”.

Xabarga ko‘ra 3-noyabr kuni Amerika harbiylarining karvoni Iroq bilan chegara hududidagi М4 yo‘lida Tell-Tamer qishlog‘i yaqinida turk harbiylari va Suriya milliy armiyasi o‘rtasidagi nizo orasiga tushib qolgan. Hujum natijasida talofat ko‘rganlar yo‘q.

Keyinchalik AQSh mudofaa vazirligi Amerika patrulining Suriya shimoli-sharqida hujumga uchramaganligini ma’lum qildi.

AQSh harbiylarining ma’lumotiga ko‘ra Amerika patruli ko‘plab artilleriya zarbalariga guvoh bo‘lgan, lekin snaryadlar karvon ketayotgan yerdan bir kilometr uzoqlikda portlagan.

“Patrul olov ostida qolmadi. Koalitsiya harbiylari hududdagi boshqa harbiy kuchlar bilan amalga oshirilayotgan operatsiyalardan xabardor bo‘lib turibdi”, - deyilgan Pentagon bayonotida.

AQSh mudofaa vazirligi matbuot xizmati Amerika boshqaruvidagi terroristlarga qarshi koalitsiya o‘z harbiylariga hujum uyushtirilganda javob qaytarish huquqiga ega ekanligini ma’lum qilgan.