Gretsiyaning Fuqarolar muhofazasi bo‘yicha vaziri o‘rinbosari Yorgos Kumutsakos oxirgi to‘rt oy ichida mamlakat hududiga 40 ming nafar muhojir ko‘chib kelganligini ma’lum qildi, deb yozmoqda “RIA Novosti”.
Kumutsakos bu masalaning Gretsiyada milliy muammoga aylanib borayotganligini qayd etdi.
So‘nggi oylarda Turkiya sohillaridan keluvchi migrantlar va qochoqlar oqimi sezilarli darajada oshgan. Gretsiyaning ayrim viloyatlaridagi muhojirlar soni mahalliy aholi sonidan ham ko‘payib ketgan. Migrantlar orollardan mamlakatning qit’ada joylashgan qismiga ko‘chirilmoqda. Ayrim viloyatlarda mahalliy aholi vakillari o‘zlari yashaydigan hududlarga muhojirlar va qochoqlarning ko‘chirib o‘tkazilishiga qarshi norozilik namoyishlari ham o‘tkazgan.
Vazir o‘rinbosari viloyatlarda kuzatilgan noroziliklarga sharh berish chog‘ida hukumatning vazifasi migrantlarning ko‘chirilishi haqida mahalliy hokimliklarni ogohlantirishdan iboratligini bildirdi.“Mahalliy aholining bu borada bizni qo‘llab-quvvatlashini istasak, ular bilan ushbu mavzuni tez-tez muhokama qilib turishimiz lozim,” — deydi Yorgos Kumutsakos.
Izoh (0)