Вьетнам полицияси Британияда юк машинасидан мамлакатнинг 39 нафар фуқароси жасади топилгани бўйича тергов доирасида яна 8 кишини қўлга олди. Бу ҳақда «РИА Новости» хабар бермоқда.
Муҳожирларни Ғарбга ноқонуний жўнатиш тармоғини ташкиллашда гумон қилинганлар 3 ноябрь, якшанба куни Нгеан провинциясида ушланди.
Апрель—август ойлари давомида ушбу провинцияни тарк этган 21 киши Британияда ғойиб бўлгани билдирилмоқда. Провинция расмийлари Эссексдаги фожиа қурбонлари шахсини аниқлаш учун уларнинг яқинлари ДНК намуналарини тўпламоқда.
Вьетнам полицияси ўтган ҳафтада мазкур иш доирасида Хатин провинциясида ҳам икки кишини қўлга олганди.
Изоҳ (0)