Turkiyaning Atlasglobal Airlines aviakompaniyasi O‘zbekistonning Grand Atlas Discovery kompaniyasi ko‘magida 31-oktabrda Istanbul—Buxoro va 4-noyabrda Istanbul—Samarqand yo‘nalishidagi birinchi charter reysini amalga oshiradi. Bu haqda Turizmni rivojlantirish davlat qo‘mitasi matbuot xizmati xabar berdi.
Qayd etilishicha, Turkiya aviakompaniyasi jurnalist, bloger, turistik firmalar rahbarlari va xodimlari, shuningdek, din arboblari va olimlarni jalb qilgan holda ikki charter reysni amalga oshirishni rejalashtirilgan.
Mavzuga doir: O‘zbekistonga joriy yilda 725 ming sayyoh keldi
Ma’lumot uchun, Atlasglobal (2015-yilgacha Atlasjet Havacılık A.Ş deya yuritilgan) — Turkiyaning Yevropa va Osiyo, shuningdek, mamlakat ichida muntazam va charter yo‘lovchi aviatashuvlarini amalga oshiruvchi aviakompaniyadir. ETS Group’ga tegishli ushbu aviakompaniya Istanbuldagi yangi aeroportda joylashgan bo‘lib, Dalamanda qo‘shimcha aeroportga ega.
Izoh (0)