Farg‘ona viloyati IIB fuqaro Elyorbek Tojiboyev fuqaroning YouTube’dagi “Effect.uz” kanalida e’lon qilingan “Farg‘onalik tadbirkor Prezidentdan yordam kutmoqda” hamda Facebook ijtimoiy tarmog‘idagi Rustambek Tog‘ayevning profiliga qo‘yilgan “Mansabdorlar tadbirkorning faoliyatiga to‘sqinlik qilmoqda” nomli videomurojaatiga raddiya berdi.
Farg‘onalik Elyorbek Tojiboyevning tadbirkorligimga to‘sqinlik qilinmoqda mavzusidagi videomurojaati birinchi marta emas. Bundan avval ham, ya’ni 2019-yil 3-iyunda YouTube’da “O‘zbeklarni O‘zbekistonda qiynashyapti diqqat qiling” nomli videolavha orqali ham mana shunday murojaat bilan chiqqan.Farg‘ona viloyati IIB matbuot xizmati bergan ma’lumot asosida 7-iyun kuni ‘IIV.uz’ saytida holatga rasmiy munosabat bildirilgan.
Unda joylardagi Migratsiya va fuqarolikni rasmiylashtirish bo‘linmalariga kelgan fuqarolarga hujjatlarni rasmiylashtirish bilan bog‘liq servis xizmatlarni ko‘rsatish bilan shug‘ullanib kelgan firmalar xorijga chiqish biometrik pasportini rasmiylashtirish uchun anketalarni to‘ldirib berish evaziga 25—30 ming so‘m atrofida xizmat haqqi olganligi, hozirda esa Migratsiya va fuqarolikni rasmiylashtirish bo‘linmalari xodimlari tomonidan ko‘rsatilayotgan ushbu xizmatlar bepul amalga oshirilayotgani ma’lum qilingan.
Elyorbek Tojiboyev tashkil etgan Servis Inter Grand MChJ ham ana shunday funksiyani bajarib kelgan va fuqarolardan ko‘rsatilgan xizmatlar uchun belgilangan tartibda pul olgan.
Yuqoridagi har ikki yangi videomurojaatda ham Farg‘ona viloyati IIB hamda uning tegishli xizmatlari ochiqchasiga nohaqlikda ayblangan. Elyorbek Tojiboyevning ‘57 nafar yoshlarni ish bilan ta’minlagan edim. Mening tadbirkorligimga to‘sqinlik qilishmoqda’ qabilidagi videomurojaatlari orqali yana IIO tizimi uning faoliyatiga asossiz g‘iybat yog‘dirmoqda.
Qolaversa, Elyorbek Tojiboyevga masalaning mohiyati IIOlari tomonidan bir necha bor tushuntirilishiga qaramasdan o‘ziga tegishli xulosa chiqarmagan. Shuningdek, YouTube’dagi ‘Effect.uz’ kanali blogeri ham holatni bir yoqlama tushunib, mavzuga sayoz munosabat bildirgan.
Bir tomonlama o‘rganilgan masala hech qachon samara bermaydi. Muammoning tubiga yetib borib, ikki tarafning muddaolarini bir-biriga solishtirib e’lon qilish kerak. Shunda ham hulosani siz chiqarmaysiz. Ommaning o‘zi kim haq, kim nohaqligini bilib oladi. Qonun barcha uchun barobar. Elyorbek Tojiboyevning sud-huquq tizimidan norozi bo‘lib bildirgan fikrlariga biz munosabat bildirmaymiz.
Farg‘ona viloyati IIB matbuot xizmati
Izoh (0)