Туркиянинг Atlasglobal Airlines авиакомпанияси Ўзбекистоннинг Grand Atlas Discovery компанияси кўмагида 31 октябрда Истанбул—Бухоро ва 4 ноябрда Истанбул—Самарқанд йўналишидаги биринчи чартер рейсини амалга оширади. Бу ҳақда Туризмни ривожлантириш давлат қўмитаси матбуот хизмати хабар берди.
Қайд этилишича, Туркия авиакомпанияси журналист, блогер, туристик фирмалар раҳбарлари ва ходимлари, шунингдек, дин арбоблари ва олимларни жалб қилган ҳолда икки чартер рейсни амалга оширишни режалаштирилган.
Мавзуга доир: Ўзбекистонга жорий йилда 725 минг сайёҳ келди
Маълумот учун, Atlasglobal (2015 йилгача Atlasjet Havacılık A.Ş дея юритилган) — Туркиянинг Европа ва Осиё, шунингдек, мамлакат ичида мунтазам ва чартер йўловчи авиаташувларини амалга оширувчи авиакомпаниядир. ETS Group’га тегишли ушбу авиакомпания Истанбулдаги янги аэропортда жойлашган бўлиб, Даламанда қўшимча аэропортга эга.
Изоҳ (0)