Samarqandning ayrim ko‘chalarida 1—3-noyabr kunlari transport vositalarining harakati 10 soatga cheklanadi

Samarqandda 1—3-noyabr kunlari “Xalqaro yarim marafon” o‘tkazilishi rejalashtirilgan, deb xabar bermoqda Samarqand shahar hokimligi matbuot xizmati.

Shu munosabat bilan Samarqand shahar hokimi Boburmirzo Oblaqulov buyrug‘iga ko‘ra 3-noyabr kuni soat 05:00 dan 15:00 ga qadar shaharning quyidagi ko‘chalarida transport vositalarining harakati vaqtincha to‘xtatiladi:

• Registon ko‘chasining “Non bozorchasi” oldidan Universitet xiyobonigacha bo‘lgan qismida;
• Dahbed ko‘chasining Registon ko‘chasi bilan kesishgan chorrahasidan Rudakiy ko‘chasigacha bo‘lgan qismida;
• Bog‘imaydon ko‘chasining Dahbed ko‘chasi bilan tutashmasidan Qo‘shhovuz ko‘chasigacha bo‘lgan qismida;
• Imom Al-Buxoriy ko‘chasining Dahbed ko‘chasi bilan tutashmasidan Shohi Zinda ko‘chasigacha bo‘lgan qismida;
• Maroqand ko‘chasining Imom Al-Buxoriy ko‘chasi bilan kesishgan chorrahasidan, Ibn Sino ko‘chasigacha bo‘lgan qismida;
• Chorraha ko‘chasining Dahbed ko‘chasi bilan tutashmasidan Bibixonim ko‘chasigacha bo‘lgan qismida;
• Ruhobod ko‘chasining Registon ko‘chasi bilan tutashmasidan Amir Temur maqbarasi orqali Universitet xiyobonigacha bo‘lgan qismida;
• Universitet xiyoboni ko‘chasida;
• G-34 yo‘lining Universitet xiyobonidan Muqumiy ko‘chasi bilan kesishgan chorrahasigacha bo‘lgan qismida;
• Bo‘stonsaroy ko‘chasining Rudakiy ko‘chasi bilan kesishgan chorrahasidan Universitet xiyobonigacha bo‘lgan qismida;
• Amir Temur ko‘chasini Bo‘stonsaroy ko‘chasi bilan kesishgan chorrahasidan Abdurahmon Jomiy ko‘chasigacha bo‘lgan qismida;
• A.Jomiy ko‘chasini Amir Temur ko‘chasi bilan kesishgan chorrahasidan Mirzo Ulug‘bek ko‘chasigacha bo‘lgan qismida;
• Mirzo Ulug‘bek ko‘chasining Abdurahmon Jomiy ko‘chasi bilan kesishgan chorrahasidan Bo‘stonsaroy ko‘chasigacha bo‘lgan qismida;
• Ibn Sino ko‘chasining Rudakiy ko‘chasi bilan kesishgan chorrahasidan Oydin yo‘l ko‘chasigacha bo‘lgan qismida;
• Vohid Abdullayev ko‘chasining Ibn Sino ko‘chasi bilan tutashmasidan Hazrati Xizr masjidigacha bo‘lgan qismida;
• Islom Karimov ko‘chasining Hazrati Xizr masjididan Shohi Zinda ko‘chasigacha bo‘lgan qismida;
• Shohi Zinda ko‘chasi “Siyob” dehqon bozoridan Ulug‘bek observatoriyasigacha bo‘lgan qismida;