Surxondaryo viloyatida joylashgan DXX Chegara qo‘shinlariga qarashli harbiy qismlarning birida ko‘rgazmali-uslubiy mashg‘ulot o‘tkazildi. Bu haqda Chegara qo‘shinlarining Telegram’dagi rasmiy kanalida xabar berildi.
Ta’kidlanishicha, ko‘rgazmali uslubiy mashg‘ulot harbiy qism komandirlari, bo‘linma komandirlari va ularning o‘rinbosarlari jalb qilingan holda nostandart vaziyatlarda tezkor va to‘g‘ri qaror qabul qilish ko‘nikmalarini oshirish maqsadida jangovar bo‘linmalar ishtirokida o‘tkazilgan.
“O‘quv mashg‘ulot bazasida o‘tkazilgan ushbu o‘quv mashg‘ulotlar jarayonida harbiy xizmatchilar o‘zlarining matonatlari va jangovar bo‘linmalarga xos chidamlilik sifatlarini namoyon etdi”, — deyiladi xabarda.
Izoh (0)