Qozog‘iston davlat rahbari Qosim-Jo‘mart To‘qayev mamlakatning birinchi prezidenti Nursulton Nazarboyevning davlat boshqaruvi organlarida kadrlar siyosati tizimi bo‘yicha vakolatlarini kengaytirish haqidagi farmonni imzoladi. Bu haqda Regnum xabar bermoqda.
Farmonga ko‘ra, Tashqi ishlar hamda Ichki ishlar vazirlaridan tashqari barcha vazirliklarning rahbarlari Qozog‘iston prezidenti tomonidan nomzodlar Nazarboyev boshqarayotgan Xavfsizlik kengashi bilan kelishilganidan keyin tayinlanadi.
Shuningdek, Qozog‘iston prezidentiga bo‘ysunuvchi organlarga tayinlanadigan rahbarlarning nomzodlari ham Xavfsizlik kengashi bilan kelishuvdan keyin lavozimga tayinlanadi.
Qozog‘istonning birinchi prezidenti Nursulton Nazarboyev iste’foga chiqqanini e’lon qilganidan keyin poytaxt Ostona shahri nomi Nur-Sultonga o‘zgartirilgan, Qorag‘anda, Chimkent, Pavlodar, Ust-Kamnegorsk va Petropavlovskda Nazarboyev nomi bilan atalgan ko‘chalar paydo bo‘lgandi. Keyinchalik mamlakatning barcha viloyatlarida bittadan ko‘chaga birinchi prezident nomini berish taklif qilingan.Iste’fodan keyin Nazarboyev rassomlik faoliyati bilan shug‘ullanayotgani, vaqtini oilasi va nevaralari bilan o‘tkazayotganligini bildirgan. U moy bo‘yoqda tabiat manzaralarini tasvirlamoqda va uning ijod namunalari keyinchalik Qozog‘istondagi muzeylarga joylashtirilishi mumkin. Sobiq prezident do‘stlari va tanishlari tavsiyasiga ko‘ra 30 ga yaqin ishlarni chizib tugatganligini bildirgan.
Izoh (0)