Buxoro shahrining Piridastgir mahalla fuqarolar yig‘inida istiqomat qiluvchi fuqaroning obodonlashtirish shirkati ustidan qilgan murojaati assossiz deb topildi. Bu haqda O‘zbekiston ekologiya va atrof-muhitni muhofaza qilish davlat qo‘mitasi xabar berdi.
Ma’lum bo‘lishicha, ushbu fuqaro o‘zi yashab turgan ko‘p qavatli bino old tomonidagi ekin yer maydoni chiqindilar bilan to‘lganligi hamda shu hududdagi “Istiqlol” shirkati o‘z ish faoliyatini bajarmayotganligi borasida murojaat qilgan.
Mazkur murojaat yuzasidan Buxoro viloyati Ekologiya va atrof-muhitni muhofaza qilish boshqarmasi Buxoro shahar inspektorlari mahalla vakili va faollari, shirkat xodimi hamda ko‘cha fuqarolari bilan birgalikda holat o‘rganilganida hududda chiqindilar bor ekanligi, ushbu hududni obodonlashtirish ishlarini olib borish murojaat qilgan fuqaro zimmasida ekanligi va “Istiqlol” shirkati mas’ul bo‘lgan hududga kirmasligi aniq bo‘ldi.
Ushbu holat yuzasidan asossiz murojaat qilganligi sababli fuqaroga ogohlantirish berilgan.
“Insoniylik yuzasidan shahar inspektorlarini taklifi bilan mahalla faollari, ko‘cha fuqarolari, murojaatchi fuqaro hamda shirkat xodimlari birgalikda ushbu hududni chiqindilardan holi etdi”, — deyiladi xabarda.
Izoh (0)