Toshkentdagi Islom Karimov ko‘chasida 21-oktabrdan boshlab ayrim turdagi transport vositalari uchun harakat qisman cheklanadi. Bu haqda Toshkent shahar IIBB xabar bermoqda.
Tashkent City hududida olib borilayotgan qurilish ishlari atrofidagi yo‘llarda harakat xavfsizligini ta’minlash maqsadida 21-oktabrdan yuk og‘irligi besh tonnadan ortiq bo‘lgan yuk mashinalari uchun cheklov o‘rnatilmoqda.
Cheklov Islom Karimov ko‘chasining Olmazor ko‘chasidan Bunyodkor ko‘chasigacha bo‘lgan qismida olti oy muddat davomida amal qiladi.
Shuningdek, bir kun — 21-oktabrda Tashkent City parki soat 14:00 dan 20:00 gacha yopiq bo‘ladi. Tasdiqlanmagan ma’lumotlarga ko‘ra, bu Siti hududidagi Kongress-xoll Davlat tili bayramiga bag‘ishlangan bayram tadbirlari bilan bog‘liq bo‘lishi mumkin.
Izoh (0)