O‘zbekiston moliya vaziri o‘rinbosari Ahadbek Haydarov 18-oktabr kuni Malayziya tashqi ishlar vazirining o‘rinbosari Dato Marzuki Yahyo boshchiligidagi delegatsiyani qabul qildi.
“Tashrif doirasida tomonlar iqtisodiyot va qishloq xo‘jaligini rivojlantirish bo‘yicha texnik yordam ko‘rsatish, xususan, budjet taqsimoti, budjet daromadlarini oqilona taqsimlash, qishloq xo‘jaligi, sanoat va elektron sohada hamkorlikni kelgusidagi yanada rivojlantirishni qo‘llab quvatladi”, — deyiladi Moliya vazirligi axborot xizmati xabarida.
Uchrashuvda Dato Marzuki Yahyo kelgusida O‘zbekiston bilan hamkorlikni yanada yaxshilash moliyaviy va iqtisodiy yangiliklar hamda shu asosida tajriba almashishga tayyor ekanligini bildirgan. Ta’kidlanishicha, Malayziyada O‘zbekiston rezidentlari ishtirokida 1 ta korxona tashkil etilgan.
2019-yil iyun holatiga ko‘ra, O‘zbekistonda Malayziya bilan hamkorlikda 16 ta korxona faoliyat yuritmoqda. Ular tabiiy gaz qazib olish va qayta ishlash, elektrotexnika, kimyoviy va to‘qimachilik mahsulotlarini ishlab chiqarish, savdo, turizm, konsalting va boshqa sohalarda ishlamoqda.
“Uchrashuv yakunida tomonlar belgilangan sohalardagi moliyaviy va texnik hamkorlikni yanada rivojlantirish bo‘yicha masalalarni kelgusida ham ko‘rib chiqishga kelishib oldi”, — deyiladi vazirlik axborotida.
Izoh (0)