14—18-oktabr kunlari “E-ijro auksion” elektron onlayn-auksion savdolarida boshlang‘ich narxi 14 milliard 447,8 million so‘m bo‘lgan 48 ta obyekt 15 milliard 911,2 million so‘mga sotildi. Bu haqda Elektron onlayn-auksionlarni tashkil etish markazining axborot xizmati ma’lum qildi. Joriy haftada boshlang‘ich narxi 37 milliard 994,6 million so‘mlik 99 ta shunday obyekt onlayn-auksionga chiqarilgan edi.
Yakka tartibda uy-joy qurish uchun
Jami 3 ta boshlang‘ich narxi 2 million so‘mlik yakka tartibda uy-joy qurish huquqi 9,8 million so‘mga sotildi.
Shuningdek, “E-ijro auksion”da hozirgi kunda 136 ta boshlang‘ich narxi 1 milliard 248,7 million so‘mlik yakka tartibda uy-joy qurish huquqi elektron onlayn-auksion savdolarida realizatsiya qilish uchun joylashtirilgan.
Davlat mulki obyektlari
Boshlang‘ich qiymati 4 milliard 784 million so‘m bo‘lgan 6 ta davlat ulushi 4 milliard 912 million so‘m qiymatida sotilgan.
Hafta davomida boshlang‘ich qiymati 4 milliard 333 million so‘m bo‘lgan 5 ta davlat ulushi realizatsiya qilish uchun savdoga chiqarilgan.
Mavzuga doir: Onlayn-auksionga 2 ta eski Lincoln avtomobili qo‘yildi
Hafta davomida 20 ta boshlang‘ich bahosi 1 so‘m qiymatidagi bo‘sh turgan davlat binolari realizatsiya qilish uchun savdoga chiqarilgan.
Shuningdek, boshlang‘ich narxi 1 so‘m qiymatdagi 19 ta bino 28 million so‘m qiymatida sotilgan.
Bo‘lib o‘tgan auksion yakunlariga ko‘ra, g‘olib ishtirokchilar 8 milliard 960 million so‘m miqdorida investitsiya kiritish hamda 199 ta yangi ish o‘rinini yaratish majburiyatlarini o‘z zimmasiga olgan.
Davlat mulkini ijaraga berish
Hafta davomida 169 ta davlat mulki 1 milliard 42 million so‘m qiymatida ijara berish uchun savdoga chiqarilgan hamda boshlang‘ich ijara qiymati 1 milliard 291 million so‘m bo‘lgan 142 ta davlat mulki 1 milliard 565 million so‘m evaziga sotilgan.
Yer uchastkalariga bo‘lgan huquq
Yer resurslari bo‘yicha elektron onlayn-auksionlarda ushbu haftada jami 187 ta boshlang‘ich narxi 510 million so‘mlik yer uchastkalariga bo‘lgan huquq 37 milliard 175 millon so‘mlik investitsiya kiritish va 583 ga yaqin yangi ish o‘rinlarini yaratish sharti bilan 2 milliard 318,9 million so‘mga sotildi.
Shuningdek, “E-ijro auksion”da hozirgi kunda 3 776 ta boshlang‘ich narxi 107 milliard 31 million so‘mlik bo‘sh yer uchastkasi elektron onlayn-auksion savdolarida realizatsiya qilish uchun joylashtirilgan.
Metall qazib olish huquqi
Hafta davomida jami 5 ta qimmatbaho metallarni qazib olish huquqi 40,9 million so‘mga sotildi.
Shuningdek, “E-ijro auksion”da hozirgi kunda 6 ta boshlang‘ich narxi 45 million so‘mlik qimmatbaho metallarni qazib olish huquqi elektron onlayn-auksion savdolarida realizatsiya qilish uchun joylashtirilgan.
Izoh (0)