Maktabgacha ta’lim vazirligi ishchi guruhi Samarqand shahridagi 80, 98 va 106-sonli maktabgacha ta’lim tashkilotlari (MTT) tarbiyalanuvchilari zaharlanishi holatlarini o‘rganib chiqdi. Bu haqda vazirlik matbuot xizmati xabar berdi.
Qayd etilishicha, 10—11-oktabr kunlari jami 31 nafar tarbiyalanuvchi kasalxonaga yotqizilgan. Ayni paytda bolalar ahvoli qoniqarli bo‘lib, ularning 25 nafari kasalxonadan chiqdi.
Zaharlanish sabablari Davlat sanitariya-epidemiologiya nazorati markazi tomonidan bolalar analizlariga, shuningdek, ishchi guruh tomonidan oziq-ovqat mahsulotlari, oshxona jihozlari, xodimlar qo‘li va kiyimlaridan olingan surtmalar asosida aniqlanadi.
Vazirlik 80, 98 va 106-sonli bog‘chalardagi shart-sharoitlarni o‘rganib, ularda ovqatlanish autsors usuli bilan tashkil etilganini aniqlagan. Bolalar salomatligiga zarar yetkazishi mumkin bo‘lgan qo‘pol qoidabuzarliklar aniqlanmagan.
Quyida tekshiruvlar natijasi keltirildi:
106-sonli MTT
- Bolalar soni: 9-oktabr kuni — 285, 10-oktabr kuni — 257 nafar tarbiyalanuvchi
- Zaharlangan bolalar soni: 7
- MTTda markazlashtirilgan suv ta’minoti va kanalizatsiya hamda qozonxona ishlaydi. Barcha xodimlar tibbiy ko‘rikdan o‘tkazildi. Oziq-ovqat mahsulotlari sanitariya qoidalariga muvofiq muzlatgichda saqlanadi, sutkalik namunalar olinadi.
- Bolalar soni: 9-oktabr kuni — 484, 10-oktabr kuni — 458 nafar tarbiyalanuvchi
- Zaharlangan bolalar soni: 20
- MTTda markazlashtirilgan suv ta’minoti va kanalizatsiya hamda qozonxona ishlaydi. Xodimlar rejali tibbiy ko‘rikdan o‘tish jarayonida.
- Oziq-ovqat mahsulotlari sanitariya qoidalariga muvofiq ombordagi ikkita muzlatgichda saqlanadi. Oshxonada muzlatgich mavjud emas, go‘sht va sabzavotlarni yuvish uchun vanna o‘rnatilmagan, xom go‘sht va sabzavotlar uchun stollar esa issiq sexda joylashgan. Hamshira xonasida bir muzlatgichdan sutkalik namunalar saqlanmoqda. Xojatxonalar dezinfeksiya qilinmasligi aniqlandi.
- Bolalar soni: 9-oktabr kuni — 232, 10-oktabr kuni — 326 nafar tarbiyalanuvchi
- Zaharlangan bolalar soni: 4
- MTTda markazlashtirilgan suv ta’minoti va kanalizatsiya hamda qozonxona ishlaydi. Barcha xodimlar tibbiy ko‘rikdan o‘tdi.
- Guruhlarda unitazlar va rakovinalar soni yetarli emasligi aniqlandi. Oziq-ovqat mahsulotlari ombordagi sotvutgichda saqlanadi, mahsulotlarni saqlash qoidalarini buzish holatlari mavjud (tuxum va shakar yonma-yon saqlab kelinmoqda).Oshxonada muzlatgich mavjud emas, bir muzlatgichdan sutkalik namunalar hamshira xonasida saqlanadi, oshxona idish-tovoqlarini yuvish uchun vannalar o‘rnatilmagan.
Ma’lumot uchun, so‘nggi bir oy davomida O‘zbekistonda ovqatdan ommaviy zaharlanish holatlari bir necha bor yuz berdi. Xususan, 20-sentabr kuni Namanganda o‘tkazilgan to‘y marosimida 18 kishi, 27-sentabr kuni Bekoboddagi 15-maktabgacha ta’lim tashkilotida 15 nafar bola, 30-sentabr kuni Andijondagi xususiy maktabda 82 nafar bola, 8-oktabr kuni Andijondagi 35-maktabda 27 kishi, xususan, 24 nafar bola ovqatdan zaharlanganib, kasalxonaga yotqizilgan.
Samarqand viloyatining o‘zida esa oxirgi bir oy davomida kamida ikki marta shunday favqulodda vaziyat kuzatildi: 14-sentabr kuni bo‘lib o‘tgan to‘ydan so‘ng 10 dan ortiq odam shifoxonaga murojaat qilgan, 6-oktabr kuni esa Samarqand shahridagi xot-dog shoxobchalaridan birida ovqatlangan kamida 24 kishi ertasi kuni kasalxonaga yotqizilgan.
Izoh (0)