Bokuda o‘tayotgan Turkiy kengash sammiti doirasida Shavkat Mirziyoyev Qozog‘istonning birinchi prezidenti Nursulton Nazarboyev bilan uchrashdi. Bu haqda Prezident matbuot xizmati ma’lum qildi.
Davlat rahbari Nursulton Nazarboyevni Turkiy kengashning faxrli raisi etib saylangani hamda Turkiy dunyoning oliy ordeniga sazovor bo‘lgani bilan tabrikladi.
Qozog‘istonning birinchi prezidenti Kengashga asos solinishi va uning rivojlanishiga, tashkilot doirasida o‘zaro manfaatli hamkorlikning kengayishiga katta hissa qo‘shgani alohida ta’kidlandi.
Nursulton Nazarboyev, o‘z navbatida, O‘zbekistonning Turkiy kengashga qo‘shilishi ushbu tuzilmaning xalqaro nufuzi va hamkorlik samaradorligini oshirishga xizmat qilishini qayd etdi.
Uchrashuvda ikki tomonlama munosabatlarga oid, shuningdek, global va mintaqaviy ahamiyatga molik dolzarb masalalar muhokama qilindi.
Izoh (0)