Arab davlatlar ligasi bosh kotibi Ahmad Abul G‘ayt Turkiya Suriya shimolidagi harbiy harakatlarini zudlik bilan to‘xtatishi kerakligini ta’kidladi. Bu haqda “Kommersant” xabar berdi.

Foto: The National

“Tinchlik bulog‘i” operatsiyasi Suriya shimoli-sharqida 9-oktabrda boshlangan va Anqaraning undan ko‘zlagan asosiy maqsadi Frot daryosidan Iroq chegarasiga bo‘lgan hududni kurd guruhlaridan tozalab suriyalik qochoqlar uchun xafsiz zona tashkil qilishdan iborat.

Arab davlatlari ligasi bosh kotibi Turkiyaning ushbu harbiy harakatlari kurdlarga nisbatan tajovuz ekanligini qayd etdi.

“Turkiyani tezkorlik bilan barcha harbiy harakatlarni to‘xtatishga, qo‘shinni Suriya hududidan olib chiqib ketishga chaqiramiz”,— deya ta’kidlagan Abdul G‘ayt Arab davlatlari ligasining favqulodda majlisida.

Liga bosh kotibining fikricha, Turkiyaning ushbu harbiy harakatlari sabab 300 ming nafar odam qochoqqa aylanishi mumkin. Shuningdek, Ahmad Abul G‘aytning ushbu operatsiyani Suriya shimolida yashovchi xalqlar, xususan, kurd millatiga qarshi “ommaviy qirg‘in” deb atadi.

Turkiya Suriya shimoli-sharqida kurdlarga qarshi urush olib bormoqda va Anqara rasmiylarining fikricha ular — terrorchilar. So‘nggi ma’lumotlarga ko‘ra ushbu operatsiyada turk harbiylari 400 ga yaqin jangarilarni yo‘q qilgan. Kurdlarga qarshi harakatlarni jahonning bir necha davlatlari, jumladan Eron, AQSh, Germaniya, Buyuk Britaniya, Iroq, Misr, Estoniya, Belgiya, Fransiya, Eron kabi mamlakatlar qoralamoqda. Vashington agar turklar tinch aholini qirish va kurd millatiga nisbatan ommaviy qirg‘in holati kuzatilsa Anqaraga nisbatan moliyaviy sanksiyalar qo‘llashga tayyor turibdi.