Fransiya Turkiyaga qurol-yarog‘ yetkazib berishni to‘xtatishga qaror qildi. Bu haqda Fransiya tashqi ishlar hamda mudofaa vazirliklarining qo‘shma bildirishnomasida e’lon qilingan, deb yozmoqda “RBK”.
Foto: “Ria Novosti”
“Fransiya Suriyadagi harbiy harakatlarning to‘xtatilishini kutmoqda. Mamlakat Turkiya Suriyadagi operatsiyada foydalanishi mumkin bo‘lgan har qanday harbiy materiallarning eksport loyihalarini to‘xtatadi. Ushbu qaror tezkorlik bilan kuchga kiradi”, — deyiladi Fransiya TIV rasmiy saytidagi bayonotda.
Avval Germaniya tashqi ishlar vaziri Heiko Maas davlatning Suriyadagi harbiy harakatlar sabab Anqaraga qurol-yarog‘ sotishni to‘xtatganini xabar qilgan.
Fransiyaning vazirliklarining bildirishnomasida Parij Anqaraning “Tinchlik bulog‘i” operatsiyasini qoralashi bayon qilingan. Avval Fransiya prezidenti Emmanuel Makron AQSh davlat rahbari Donald Tramp bilan telefon suhbatida Suriya shimoli-sharqidagi harbiy harakatlarni to‘xtatish lozimligini ta’kidlagandi.
Mavzuga doir:
- Qozog‘iston TIV: Suriyadagi vaziyat bo‘yicha Ostona formatidagi navbatdagi uchrashuv noyabrga qoldirildi
- Arab davlatlari ligasi Turkiyadan harbiy qo‘shinni Suriya hududidan olib chiqib ketishni talab qilmoqda
- BMT xavfsizlik kengashiga a’zo besh davlat Turkiyadan Suriyadagi harakatlarni to‘xtatishni so‘radi
