Suriyadagi vaziyatni tinchlik yo‘li bilan hal qilishga bag‘ishlangan “Ostona formati”dagi navbatdagi uchrashuv sanasi noyabrga ko‘chiriladi. Bu haqda Qozog‘iston tashqi ishlar vaziri Muxtor Tilovberdi xabar qildi, deb yozmoqda “Interfaks”.
“Suriyadagi vaziyatni tinchlik yo‘li bilan hal etishga bag‘ishlangan “Ostona formati”dagi uchrashuvni oktabr oxirida o‘tkazilishi rejalashtirilgandi, biroq hozir ushbu uchrashuv qancha muddatga kechikishi borasida bir nima deyish mushkul”, — deydi bu haqda Qozog‘iston tashqi ishlar vaziri.
Shuningdek, u uchrashuv sanasi noyabr oyiga ko‘chirilishi mumkinligini ham inkor etmadi.
“Hozircha bu borada aniq sana ma’lum qilinmagan, Suriya shimolidagi vaziyat keskinlashgani sababli uchrashuvda faqat kafil-davlatlar ishtiroki kutilmoqda. Shu sababli ham biz qaysi sana ma’qul ekanligi bo‘yicha ulardan xabar kutamiz”, — deya qayd etgan Muxtor Tilovberdi.
Tashqi ishlar vaziri Ostonada o‘tadigan ushbu uchrashuvlar o‘z dolzarbligini hali ham yo‘qotmaganinin ta’kidladi.
Kafil mamlakatlar Suriyadagi vaziyatni muhokama qilib olish uchun yana muzokaralar o‘tkazishi lozim. Biz ushbu jarayonni qabul qilishga va muloqotni tashkil qilib berishga tayyormiz. Muxtor Tilovberdi, Qozog‘iston tashqi ishlar vaziri
Harbiy harakatlarda Turkiya qurolli kuchlari hamda Anqara qo‘llab-quvvatlayotgan Suriya milliy armiyasi ishtirok etmoqda. Rejaga ko‘ra Frot daryosidan Iroq chegarasigacha bo‘lgan 480 kilometr uzunlik va 32 kilometr kenglikdagi maydonda xavfsiz hudud tuziladi.
Mavzuga doir:
Izoh (0)