Суриядаги вазиятни тинчлик йўли билан ҳал қилишга бағишланган «Остона формати»даги навбатдаги учрашув санаси ноябрга кўчирилади. Бу ҳақда Қозоғистон ташқи ишлар вазири Мухтор Тиловберди хабар қилди, деб ёзмоқда «Интерфакс».
«Суриядаги вазиятни тинчлик йўли билан ҳал этишга бағишланган «Остона формати»даги учрашувни октябрь охирида ўтказилиши режалаштирилганди, бироқ ҳозир ушбу учрашув қанча муддатга кечикиши борасида бир нима дейиш мушкул», — дейди бу ҳақда Қозоғистон ташқи ишлар вазири.
Шунингдек, у учрашув санаси ноябрь ойига кўчирилиши мумкинлигини ҳам инкор этмади.
«Ҳозирча бу борада аниқ сана маълум қилинмаган, Сурия шимолидаги вазият кескинлашгани сабабли учрашувда фақат кафил-давлатлар иштироки кутилмоқда. Шу сабабли ҳам биз қайси сана маъқул эканлиги бўйича улардан хабар кутамиз», — дея қайд этган Мухтор Тиловберди.
Ташқи ишлар вазири Остонада ўтадиган ушбу учрашувлар ўз долзарблигини ҳали ҳам йўқотмаганинин таъкидлади.
Кафил мамлакатлар Суриядаги вазиятни муҳокама қилиб олиш учун яна музокаралар ўтказиши лозим. Биз ушбу жараённи қабул қилишга ва мулоқотни ташкил қилиб беришга тайёрмиз. Мухтор Тиловберди, Қозоғистон ташқи ишлар вазири
Ҳарбий ҳаракатларда Туркия қуролли кучлари ҳамда Анқара қўллаб-қувватлаётган Сурия миллий армияси иштирок этмоқда. Режага кўра Фрот дарёсидан Ироқ чегарасигача бўлган 480 километр узунлик ва 32 километр кенгликдаги майдонда хавфсиз ҳудуд тузилади.
Мавзуга доир:
Изоҳ (0)