Yaponiyada “Xagibis” to‘foni sababli kamida 2 kishi halok bo‘ldi. Bu haqda Kyodo agentligi xabar bermoqda.
Itixara shahrida kuchli shamol tufayli avtomobil ag‘darilib ketdi va 50 yashar haydovchi olingan jarohatlar oqibatida olamdan o‘tdi. Ikkinchi odam Tamioka shahrida ko‘chki ostida qoldi. Uning jasadi topildi, hozirda yana ikki kishi qidirilmoqda.
Tomi shahrida daryoda suv sathi ko‘tarilishi tufayli uchta mashina ko‘prikdan pastga qulagan. Ularda jami 6 kishi bo‘lgan: uch kishi qutqarilgan, yana uch kishining taqdiri noma’lum.
Ma’lumotlarga ko‘ra, to‘fon tufayli mamlakatning 24 ta prefekturasida kamida 75 kishi jabrlangan.
Izoh (0)