Eron tashqi ishlar vazirligi Turkiyaning Suriya hududida harbiy operatsiyalarni amalga oshirishiga Tehronning qarshi ekanligi haqidagi bayonotni e’lon qildi. Bu haqda “Izvestiya” xabar berdi.
Foto: Ifmat
“Biz bu kabi harakatlar nafaqat Turkiyaning xavsizligiga zid, balki davlatga moddiy zarar keltirib odamlarning qurbon bo‘lishiga ham tahdid soladi deb hisoblaymiz. Shu sababli Eron harbiy harakatlarning amalga oshirilishiga qarshi ekanini bildiradi”, — deyiladi Eron TIV bayonotida.
Avval AQSh prezidenti Donald Tramp va Turkiya yetakchisi Rajab Toyyib Erdo‘g‘onning suhbati Amerika harbiy qo‘shinining Suriyadan olib chiqib ketilishiga sabab bo‘lgani xabar qilingan, shuningdek, AQSh harbiy kuchlarining Turkiyaning Suriya shimolida o‘tkazadigan harakatlarida ishtirok etmasligi haqidagi Oq uy bayonoti e’lon qilingandi. Bayonotda Turkiyaning oxirgi ikki yilda asirga olingan IShID jangarilari guruhlari uchun mas’uliyatni o‘z zimmasiga olishi qayd etilgan.
Mavzuga doir:
- Turkiya Suriyaga harbiy havo hujumi uyushtirdi. Ikki ko‘prik portlatildi
- Tramp AQSh “oxiri yo‘q urushlar”da boshqa ishtirok etmasligini ma’lum qildi
- Kurdlar AQShning Suriyadan ketishi “ortdan turib pichoq sanchish” ekanini aytmoqda
- Turkiya Suriyaga yurish qilmoqchi. Yangi urush boshlanishi, migratsiya inqirozi yuzaga kelishi, IShID qayta tiklanishi mumkin
Suriyadagi nizolar 2011-yildan buyon davom etib kelmoqda. 2015-yilda Rossiya rasmiy Damashq taklifiga ko‘ra mamlakat hududini jangarilardan tozalashga harbiy ko‘mak ko‘rsatishni boshlagan va ikki yildan keyin harbiy operatsiyalarning faol bosqichi yakuniga yetganini ma’lum qilgan. Suriya Arab Respublikasining muayyan hududlarini terrorchilardan tozalash harakatlari hali ham amalga oshirilmoqda.
