8-oktabr kuni Moskva viloyati Lyuberets tumanidagi o‘rmondan O‘zbekiston fuqarosining jasadi topilgan. Bu haqda O‘zbekistonning Rossiyadagi elchixonasi tayanib, Tashqi ishlar vazirigi xabar berdi.
Foto: Zarnews
Avvalroq, 2-oktabr kuni “Tomilinsk elektron zavodi” ilmiy-ishlab chiqarish korxonasi MChJning obyektlaridan birida devor qulashi natijasida O‘zbekiston fuqarosi vafot etgani va tashkilot rahbarlari mazkur holatni yashirishga urinayotgani to‘g‘risida ma’lumot bor edi.
Elchixona shu holat bo‘yicha huquqni muhofaza qiluvchi organlarga rasmiy murojaat qilgan va bosh konsul O‘zbekiston Bandlik va mehnat munosabatlari vazirligi Tashqi mehnat migratsiya agentligi vakolatxonasi rahbari bilan birgalikda voqea joyiga borgan.
Tergov organlari qidiruv amaliyotlarini olib borgan va marhumning jasadi obyektdan 5 kilometr uzoqlikdan topilgan. Ayni paytda tergov va tezkor qidiruv tadbirlari davom etmoqda.
Mavzuga doir:
- Sankt-Peterburgdagi uy tomida O‘zbekiston fuqarosining jasadi topildi
- O‘zbekistonlik migrant Leningraddagi qurilish maydonida balandlikdan qulab, halok bo‘ldi
- Sankt-Peterburgdagi qurilishda O‘zbekiston fuqarosi halok bo‘ldi
- Qozog‘istonda qurilayotgan uylardan birida O‘zbekiston fuqarosining jasadi topildi
- Sariag‘ashdagi qurilish maydonida o‘zbekistonlik quruvchi balandlikdan qulab, halok bo‘ldi
Elchixona vaziyatni nazoratga olgan va marhumning jasadini vatanga yuborish bilan bog‘liq masalalarni hal qilmoqda.
