O‘zbekistonda 2020-yil 1-yanvardan boshlab qandolat mahsulotlari va shokolad uchun import bojlari oshiriladi. Bu haqda 2-oktabrda imzolangan Prezident qaroriga tayanib, “Gazeta.uz” xabar berdi.
Tarkibida kakao bo‘lmagan shakarli qandolat mahsulotlari, shu jumladan, oq shokolad uchun import boji stavkasi 30 foiz etib belgilanadi, bunda to‘lanadigan bojning eng kam miqdori bir kilogramm mahsulot uchun 0,35 dollardan kam bo‘lmasligi kerak. Amaldagi stavka esa mos ravishda 20 foiz va 0,25 dollarni tashkil qiladi.
Shokolad va tarkibida kakao bo‘lgan boshqa tayyor oziq-ovqat mahsulotlari uchun import boji stavkasi 30 foizga oshirilib, bunda ham eng kam miqdor bir kilogramm uchun 0,35 dollar etib belgilangan. Amaldagi stavkalar miqdori esa mos ravishda 15 foiz va 0,30 dollarga teng.
2018-yilda qandolat mahsulotlari va shokolad uchun import boji stavkasi 10 foiz bo‘lgan.
Izoh (0)