Ijtimoiy tarmoqlarda Janubiy Koreyada O‘zbekiston bayrog‘i ko‘rinishidagi paypoq ishlab chiqarilayotgani haqida ma’lumotlar tarqalgan edi. “To‘g‘ri.uz”ning yozishicha, Janubiy Koreyadagi o‘zbekistonlik faollar O‘zbekiston bayrog‘i ko‘rinishidagi paypoq sotilayotgan do‘konga bordi.
Ular koreyaliklarga bu O‘zbekiston milliy bayrog‘iga hurmatsizlik bo‘lishini tushuntirdi. Bu haqdagi video ijtimoiy tarmoqlarda e’lon qilindi.
Videoda aytilishicha, ushbu holat yuzasidan huquqiy jihatdan tushuntirishlar olib borilgan. Paypoq sotilayotgan do‘kon mutasaddilari ham buni tushungan va boshqa takrorlanmasligini bildigan.
Bu holat uchun uzr ham so‘ragan. Videoda aytilgan so‘zlarga ko‘ra ushbu paypoqlar uch yil avval ishlab chiqarilgan bo‘lib, uning ko‘rinishi chiroyli bo‘lganligi sababli qoldiq mol bo‘lsa-da sotuvga chiqarilgan.
Izoh (0)