Ispaniya hukumati Britaniya turoperatori Thomas Cook’ning yopilishi sabab yuzaga kelgan iqtisodiy zararlarni qoplash uchun farmon bilan tasdiqlangan reja asosida chora-tadbirlarni amalga oshiradi. Ishlab chiqiladigan reja 13 banddan iborat bo‘ladi va uning ijrosiga 300 million yevro atrofidagi mablag‘ ajratiladi. Hukumatning bu boradagi farmoni kelasi hafta 11-oktabrda imzolanishi va e’lon qilinishi mumkin. Bu haqda “Kommersant” xabar berdi.
Ushbu chora-tadbirlar Ispaniya sanoat, savdo va turizm vaziri vazifasini bajaruvchi Reyes Maroto rahbarligida ishlab chiqilgan.
Chora-tadbirlarda reyslar sonining qisqarishi haqida aviaxabarlar yuborishni rag‘batlantirish, jumladan, yo‘lovchilarga yer usti xizmatlarini ko‘rsatish va 46 ta ispan aeroportini boshqaruvchi AENA kompaniyasi fuqarolarni qish mavsumi uchun qo‘shimcha to‘lovlardan ozod qilish, 1-yanvardan boshlab biletlar tariflari uchun narxlar 12 foizga arzonlashtirishi, 200 million yevro miqdoridagi mablag‘ni individual tadbirkorlar va kompaniyalarni likvidatsiya qilish muammolarini hal etishga sarflash, shuningdek, turistlar sayohatlarini amalga oshiruvchi kompaniyalarning soliqlar va boshqa to‘lovlarni kechroq amalga oshirishiga ruxsat etish hamda turistik talabni reklama kampaniyalari vositasida tiklash ko‘zda tutilgan.
Hukumatning ushbu yuridik strategiyasi Thomas Cook bankrotligi sabab yuzaga kelgan og‘ir iqtisodiy vaziyatni yengillashtirishi kutilmoqda.
Eslatib o‘tamiz, Britaniyaning eng mashhur va 178 yildan beri faoliyat yuritib kelayotgan turoperatorlaridan biri Thomas Cook 23-sentabrda tugatilganligini e’lon qilgan. Natijada butun dunyo bo‘ylab sayohat qilishni istagan 600 ming sayyohning dam olish uchun bilet bron qilishi bekor bo‘lgandi.
Izoh (0)