AQSh prezidenti Donald Tramp mamlakatning Ukrainadagi elchisi Mari Yovanovichni sobiq vitse-prezident Jo Bayden va uning o‘g‘li Xanterga nisbatan surishtiruvda Kiyevga to‘sqinlik qilayotgani uchun chaqirib oldi. Yovanovich prezident haqida ham salbiy fikrlar bildirgandi, deb yozgan The Wall Street Journal’ga tayanib “Kommersant”.
Prezident Tramp avval Ukrainadagi gaz konlari litsenziyalari egasi bo‘lgan Burisma kompaniyasining direktorlar kengashi tarkibiga kirgan Xanter Baydenga nisbatan tergov harakatlari boshlanishini ta’minlagan. AQSh rahbarining so‘zlariga ko‘ra kichik Bayden korrupsion sxemalar ishtirokchisi bo‘lishi mumkin.
Donald Trampning advokati Rudi Juliani sobiq elchi Mari Yovanovichning Jo Baydenga “juda yaqin” bo‘lganini qayd etgan. Bir necha oy davomida advokat xonim va uning tarafdorlari Trampga elchining harakatlari borasida shikoyat qilib kelgan va yakunda prezident Yovanovichni chaqirib oldi. U o‘z lavozimini may oyida tark etgan va AQSh hukumati elchining Ukraindan ketishini ‘rejalashtirilgan’ harakat deb baholagan. Elchi uch oy avval diplomatik muddati nihoyasiga yetishiga uch yil vaqt bor vaziyatda AQShga qaytgan.
AQSh davlat departamenti va Oq uy Mari Yovanovichning nima uchun iste’foga chiqqaniga rasmiy munosabat bildirmadi.
Eslatib o‘tamiz, AQShda prezidentga impichment e’lon qilish masalasida surishtiruv ishlari boshlangan. Mojaro Donald Trampning Ukraina prezidenti Vladimir Zelenskiy bilan telefon suhbati chog‘ida Xanter Bayden ishi bo‘yicha hamkasbiga bosim o‘tkazishi natijasida boshlangandi.
Mavzuga doir:
- Zelenskiy Tramp bilan suhbatining ukraincha versiyasi chop etilishiga qarshi chiqdi
- AQSh Kongressi Trampning Putin bilan suhbati mazmunini aniqlashga qaror qildi
- Amerikaliklarning 47 foizi Trampga qarshi impichment boshlash qarorini qo‘llab-quvvatladi
- Oq uy Trampning Zelenskiy bilan suhbati matnini e’lon qildi. Aynan shu suhbat sabab AQSh prezidentiga qarshi impichment jarayoni boshlandi
Izoh (0)