Туркманистон Миграция хизмати ходимлари мамлакат фуқаросини чет элга чиқармаслик ёки бу учун ундан мўмай пул талаб қилиш учун турли баҳоналар ўйлаб топмоқда. Бир марта самолётга қўйилмаган фуқаро ўзига хос «қора рўйхат»га кириб қолмоқда. Рўйхатдан чиқиш учун пора таклиф қилишга тўғри келмоқда.
Коррупцион схемага кўра, Туркманистондан муаммосиз кетмоқчи бўлган одамлар, жумладан, бир марта асоссиз равишда, турли баҳоналар билан мамлакатдан чиқарилмаган фуқаро пора учун воситачи излайди. Ўртадаги одам мижозни паспорт назоратидан ўтказиб бериш эвазига 2300 АҚШ доллари ёки 40 000 манат олади.
Порани олган Миграция хизмати ходими воситачига ўзи ишлайдиган смена вақти ва паспорт назорати ойнаси рақамини айтади. Пулни берган воситачи рейс учун самолёт билетини харид қилади ва белгиланган вақтда айтилган рақамдаги ойначага учрайди.
Изоҳ (0)