ICTWEEK Uzbekistan haftaligi doirasida o‘tkazilayotgan an’anaviy ICTEXPO ko‘rgazmasining ikkinchi kuni qimmatbaho sovrinlarni o‘z egalariga topshirilishi hamda Coscom MChJ (Ucell savdo belgisi) uchun mobil ilova ishlab chiqish bo‘yicha tanlovning e’lon qilinishi bilan yodda qolarli bo‘ldi.
ICTEXPO ko‘rgazmasining ikkinchi kunida Ucell tomonidan e’lon qilingan “Baxtli yil” viktorinasining navbatdagi g‘oliblarining taqdirlanishi muhim voqealardan biri bo‘ldi. Ucell uyali aloqa operatori va Smile Mobile kompaniyasi hamkorligida o‘tkazilayotgan viktorinada SMS sifatida yuborilayotgan savollarga javob berish orqali ball to‘plab boriladi.
Aksiyaning dastlabki 90 kunida ishtirokchilar har kuni 3 million so‘mdan va haftasiga 40 million so‘mdan yutib olishgan.
2019-yilning 12-avgustidan boshlab tanlovning ikkinchi bosqichi boshlandi. Bunda mukofot jamg‘armasi ko‘paydi va ishtirokchilar har hafta Chevrolet Nexia 3 avtomobilini yutib ola boshladi. Tanlovning uchinchi bosqichi 2019-yil 9-noyabrdan boshlanadi va uning mukofot jamg‘armasi yana ham ko‘payadi.
Aksiya jami 365 kun davom etadi. 2019-yil 13-maydan boshlangan ushbu xizmat 2020-yil 11-mayga qadar davom etadi.
Shu kungacha 133 nafar sovrindor aniqlandi, ularning 13 nafari 40 million so‘mdan, 115 nafari 3 million so‘mdan va 6 nafari Chevrolet Nexia 3 avtomobilini yutib olishga muvaffaq bo‘ldilar.
Oldinda hali 232 ta sovrin bor.
Aksiyaning umumiy mukofot puli – ikki milliard so‘mdan ortiqni tashkil etadi.“O‘zekspomarkaz”da o‘tkazilgan tantanali tadbirda “Baxtli yil” aksiyasining 2019 yil avgust oyi g‘oliblari mukofotlandilar.
Sovrindorlarga ikkita Chevrolet Nexia 3 rusumli avtomobil, 40 million so‘mlik ikkita va 3 million so‘mlik 27 ta mukofot topshirildi.
Tadbirda ishtirok etgan taniqli o‘zbek xonandasi Lola Yo‘ldosheva avtomobil kalitlarini egalariga topshirdi.
Shuningdek, ICTEXPO ko‘rgazmasining ikkinchi kunida mobil ilova ishlab chiqish bo‘yicha Ucell Mobile challenge 2019 tanlovining taqdimoti ham bo‘lib o‘tdi.
Tanlov “Hakaton” (inglizcha “Hackathon”) deb nomlangan bo‘lib, “hack” (xaker) va “marathon” (marafon) so‘zlaridan tashkil topgan.Hakaton tanlovi tashabbuskori Ucell kompaniyasi, uning tashkilotchisi esa IT Park hisoblanadi.
Tanlov Yoshlar ittifoqi markaziy kengashi va Smile Mobile kompaniyasi hamkorligida tashkil etilmoqda.
Ushbu tanlov o‘z startaplarini amalga oshirishayotgan qobiliyatli yoshlarni qo‘llab-quvvatlash, AKT sohasidagi iste’dodli yoshlarni aniqlash, startaplarga investitsiyalarni jalb qilish, Coscom MChJ faoliyatiga eng yaxshi startap loyihalarni tatbiq etishga yo‘naltirilgan.
Ishtirokchilar noyob loyiha ishlab chiqish va mobil ilova yaratish uchun quyidagi yo‘nalishlardan birini tanlashlari lozim:– “Eng yaxshi savdo ilovasi”: kafe va restoranlar, savdo vakillari va savdo maydonchalari uchun tizim.– “Mamlakatimiz mehmonlari va aholisi uchun eng foydali ilova”: turizm, taksi.– “Fintex sohasidagi eng yaxshi ilova”: skoring tizim, kredit platforma, pul mablag‘larini monitoring qilish va hisoblash, mablag‘larni boshqarish platformasi, neobank, smartfon orqali to‘lov amalga oshirish.
Ilova bir yoki bir nechta biznes masalalarni hal etishi, atrofidagi boshqa tizimlar bilan oson integratsiyalanishi va tez joriy etilishi lozim. Tanlov g‘oliblariga birinchi o‘rin uchun 300 million so‘m, ikkinchi o‘rin uchun 200 million so‘m va uchinchi o‘rin uchun 100 million so‘m topshiriladi.
Shuningdek, sahnada va Ucell stendida viktorinalar ham tashkil etildi. Ularda esdalik sovg‘alari yutib olindi.
ICTEXPO 2019 ko‘rgazmasi doirasidagi tadbirlar Toshkent axborot texnologiyalari universitetining Farg‘onadagi filialida ham bo‘lib o‘tdi. Unda Ucell kompaniyasi maxsus stendi hamda suvenir sovg‘alari qo‘yilgan tanlovlari bilan faol ishtirok etdi.
Reklama huquqi asosida.
Izoh (0)