ICTWEEK Uzbekistan ҳафталиги доирасида ўтказилаётган анъанавий ICTEXPO кўргазмасининг иккинчи куни қимматбаҳо совринларни ўз эгаларига топширилиши ҳамда Coscom МЧЖ (Ucell савдо белгиси) учун мобил илова ишлаб чиқиш бўйича танловнинг эълон қилиниши билан ёдда қоларли бўлди.
ICTEXPO кўргазмасининг иккинчи кунида Ucell томонидан эълон қилинган «Бахтли йил» викторинасининг навбатдаги ғолибларининг тақдирланиши муҳим воқеалардан бири бўлди. Ucell уяли алоқа оператори ва Smile Mobile компанияси ҳамкорлигида ўтказилаётган викторинада СМС сифатида юборилаётган саволларга жавоб бериш орқали балл тўплаб борилади.
Акциянинг дастлабки 90 кунида иштирокчилар ҳар куни 3 миллион сўмдан ва ҳафтасига 40 миллион сўмдан ютиб олишган.
2019 йилнинг 12 августидан бошлаб танловнинг иккинчи босқичи бошланди. Бунда мукофот жамғармаси кўпайди ва иштирокчилар ҳар ҳафта Chevrolet Nexia 3 автомобилини ютиб ола бошлади. Танловнинг учинчи босқичи 2019 йил 9 ноябрдан бошланади ва унинг мукофот жамғармаси яна ҳам кўпаяди.
Акция жами 365 кун давом этади. 2019 йил 13 майдан бошланган ушбу хизмат 2020 йил 11 майга қадар давом этади.
Шу кунгача 133 нафар совриндор аниқланди, уларнинг 13 нафари 40 миллион сўмдан, 115 нафари 3 миллион сўмдан ва 6 нафари Chevrolet Nexia 3 автомобилини ютиб олишга муваффақ бўлдилар.
Олдинда ҳали 232 та соврин бор.
Акциянинг умумий мукофот пули – икки миллиард сўмдан ортиқни ташкил этади.«Ўзекспомарказ»да ўтказилган тантанали тадбирда «Бахтли йил» акциясининг 2019 йил август ойи ғолиблари мукофотландилар.
Совриндорларга иккита Chevrolet Nexia 3 русумли автомобиль, 40 миллион сўмлик иккита ва 3 миллион сўмлик 27 та мукофот топширилди.
Тадбирда иштирок этган таниқли ўзбек хонандаси Лола Йўлдошева автомобиль калитларини эгаларига топширди.
Шунингдек, ICTEXPO кўргазмасининг иккинчи кунида мобил илова ишлаб чиқиш бўйича Ucell Мобиле чалленге 2019 танловининг тақдимоти ҳам бўлиб ўтди.
Танлов «Ҳакатон» (инглизча «Hackathon») деб номланган бўлиб, «hack» (хакер) ва «marathon» (марафон) сўзларидан ташкил топган.Ҳакатон танлови ташаббускори Ucell компанияси, унинг ташкилотчиси эса IT Парк ҳисобланади.
Танлов Ёшлар иттифоқи марказий кенгаши ва Smile Mobile компанияси ҳамкорлигида ташкил этилмоқда.
Ушбу танлов ўз стартапларини амалга оширишаётган қобилиятли ёшларни қўллаб-қувватлаш, АКТ соҳасидаги истеъдодли ёшларни аниқлаш, стартапларга инвестицияларни жалб қилиш, Coscom МЧЖ фаолиятига энг яхши стартап лойиҳаларни татбиқ этишга йўналтирилган.
Иштирокчилар ноёб лойиҳа ишлаб чиқиш ва мобил илова яратиш учун қуйидаги йўналишлардан бирини танлашлари лозим:– «Энг яхши савдо иловаси»: кафе ва ресторанлар, савдо вакиллари ва савдо майдончалари учун тизим.– «Мамлакатимиз меҳмонлари ва аҳолиси учун энг фойдали илова»: туризм, такси.– «Fintex соҳасидаги энг яхши илова»: скоринг тизим, кредит платформа, пул маблағларини мониторинг қилиш ва ҳисоблаш, маблағларни бошқариш платформаси, необанк, смартфон орқали тўлов амалга ошириш.
Илова бир ёки бир нечта бизнес масалаларни ҳал этиши, атрофидаги бошқа тизимлар билан осон интеграцияланиши ва тез жорий этилиши лозим. Танлов ғолибларига биринчи ўрин учун 300 миллион сўм, иккинчи ўрин учун 200 миллион сўм ва учинчи ўрин учун 100 миллион сўм топширилади.
Шунингдек, саҳнада ва Ucell стендида викториналар ҳам ташкил этилди. Уларда эсдалик совғалари ютиб олинди.
ICTEXPO 2019 кўргазмаси доирасидаги тадбирлар Тошкент ахборот технологиялари университетининг Фарғонадаги филиалида ҳам бўлиб ўтди. Унда Ucell компанияси махсус стенди ҳамда сувенир совғалари қўйилган танловлари билан фаол иштирок этди.
Реклама ҳуқуқи асосида.
Изоҳ (0)