27-sentabr, juma kuni Qashqadaryo viloyatida joylashgan “Shimoliy Muborak” gaz kondensati konida O‘zbekistonda ilk bor Eriell Group kompaniyasi gidravlik parchalash (GRP) uslubidan foydalangan holda yura davrigacha bo‘lgan qatlamlardan kuniga 400 ming metr kub gaz oqimini olishga muvaffaq bo‘ldi, deb xabar beradi Energetika vazirligi matbuot xizmati.
Gazli obyekt “Shimoliy Muborak” konida 53-sonli quduqni burg‘ulash va o‘zlashtirish natijasida aniqlangan. Shu tarzda paleozoy fundamentida joylashgan yura davrigacha bo‘lgan qatlamlarda unumdor gorizont aniqlandi (shamollatish qobig‘i).
“Ta’kidlash kerakki, mamlakat hududida ilk bor ushbu qatlamlardan sanoat gazi olingani ahamiyatlidir.
Hozirgi paytda tadqiqotchilar gaz va kondensatning sanoat tavsiflarini va tovar xossalarini o‘rganish maqsadida ishga kirishdi.
Kelgusida ushbu qatlamlar “Janubiy Muborak”, “Shumak” va “Sho‘rtepa” konlarida ham aniqlanishi mumkin. Ushbu gazli obyekt razvedkagacha xossaga ega bo‘lib, ayni damda qidirish-baholash ishlari davom ettirilmoqda”, — deyiladi xabarda.
Izoh (0)