AQSh Davlat departamenti Kuba sobiq rahbari Raul Kastro hamda uning oilasiga qarshi sanksiyalarni joriy etdi. Kastro oilasiga AQShga kirish taqiqlab qo‘yildi, deb xabar beradi Meduza.
Taqiq Kastro davrida Kubada “inson huquqlarining qo‘pol buzilishi” sabab joriy etilgan.
Davlat departamentining ta’kidlashicha, Raul Kastro kubaliklarni o‘zboshimchalik bilan hibsga olishga imkon beradigan tizimni boshqargan va hozirda mamlakatda yuzdan ortiq siyosiy mahbuslar mavjud. AQSh ma’lumotlariga ko‘ra, Kuba maxsus xizmatlari Venesueladagi operatsiyalarda ishtirok etib, u yerda qiynoqlarni qo‘llagan. Shu orqali AQSh Davlat departamenti Kastroni Venesuelada ham inson huquqlarining buzilishiga aloqador deb topdi.
Raul Kastro — Kubada inqilobni amalga oshirgan yetakchi Fidel Kastroning ukasi. U 2006-yilda akasi Fidel hukumatdan ketganidan so‘ng, Kuba rahbariyati tepasiga kelgan. Mamlakat rahbari sifatida Raul Kastro AQSh bilan munosabatlarni qayta tiklagan — 2016-yilda prezident Barak Obama yangi tarixda birinchi bor Kubaga tashrif buyurgan.
Izoh (0)