Amerikaning Juul Labs kompaniyasi rahbari Kevin Berns iste’foga chiqdi. Uning lavozimdan ketishi haqidagi arizasi kompaniya rasmiy saytiga joylashtirilgan, deb yozgan Meduza.
“Juul’ga ishga kelganimdan buyon tanaffuslarsiz ishladim va kichik kompaniyani butunjahon miqyosidagi biznes ishtirokchisiga aylantirishda o‘z hissamni qo‘shdim, shu sababli bir necha hafta avval hozir ketishning ayni vaqti degan fikrga keldim”, — deydi Kevin Berns.
Juul Labs rahbarining iste’fosi AQShda elektron sigaretalar chekuvchilarning ommaviy ravishda kasalliklarga duchor bo‘layotgan davrga to‘g‘ri keldi. Bu kabi salbiy holatlarning 500 tasi ro‘yxatdan o‘tkazilgan. 24 va 25-sentabr kunlari elektron sigareta chekish oqibatida ikki nafar odam hayotdan ko‘z yumgan. Vafot etganlarning soni 10 nafarga yetgan. Zaharlanish nima sababdan bo‘layotgani noma’lumligicha qolmoqda.
Veyp chekuvchilarning o‘limi sabab AQSh hukumati maktab o‘quvchilari orasida urf bo‘lgan aramotizator qo‘shimchalar, mentol va meva ta’mli aralashmalar bilan elektron sigaretalar chekishni taqiqlamoqchi.
Izoh (0)