АҚШ Давлат департаменти Куба собиқ раҳбари Рауль Кастро ҳамда унинг оиласига қарши санкцияларни жорий этди. Кастро оиласига АҚШга кириш тақиқлаб қўйилди, деб хабар беради Meduza.
Тақиқ Кастро даврида Кубада «инсон ҳуқуқларининг қўпол бузилиши» сабаб жорий этилган.
Давлат департаментининг таъкидлашича, Рауль Кастро кубаликларни ўзбошимчалик билан ҳибсга олишга имкон берадиган тизимни бошқарган ва ҳозирда мамлакатда юздан ортиқ сиёсий маҳбуслар мавжуд. АҚШ маълумотларига кўра, Куба махсус хизматлари Венесуэладаги операцияларда иштирок этиб, у ерда қийноқларни қўллаган. Шу орқали АҚШ Давлат департаменти Кастрони Венесуэлада ҳам инсон ҳуқуқларининг бузилишига алоқадор деб топди.
Рауль Кастро — Кубада инқилобни амалга оширган етакчи Фидель Кастронинг укаси. У 2006 йилда акаси Фидель ҳукуматдан кетганидан сўнг, Куба раҳбарияти тепасига келган. Мамлакат раҳбари сифатида Рауль Кастро АҚШ билан муносабатларни қайта тиклаган — 2016 йилда президент Барак Обама янги тарихда биринчи бор Кубага ташриф буюрган.
Изоҳ (0)